Цэнтралізаваная бібліятэчная сістэма горада Віцебска

  27 лютага ў бібліятэцы імя Ул.Караткевіча да 85-годдзя з дня нараджэння Народнага паэта Беларусі, нашага знакамітага земляка Рыгора Барадуліна з удзелам 4«Г» класа ДУА «Сярэдняя школа №11» прайшла літаратурная гадзіна «Слова – добрых спраў аснова».

     Дзецям расказалі пра дзяцінства паэта, якое прыйшлося на вогненныя ваенныя і цяжкія пасляваенныя гады, пра пачатак літаратурнай дзейнасці, пра зборнікі вершаў, арыентаваныя на дзіцячага чытача: «Мех шэрых – мех белых», «Ці пазяхае бегемот?», «Азбука не забаўка», «Азбука – вясёлы вулей», «Кобра ў торбе», «Ішоў коця па канапе» і іншыя.

     Вучні прынялі ўдзел у гульнях і віктарынах па творчасці Р.Барадуліна: «Падказкі-згадкі», «Колькі кошак у кашы?», «Незвычайны горад», «Азбука ад А да Я – спадарожніца твая», «Казкі-пераказкі». Напрыканцы мерапрыемства дзеці выразна на памяць прачыталі жартаўлівыя вершы паэта, а таксама пра прыгажосць роднай прыроды, пра вучобу і адпачынак.