Цэнтралізаваная бібліятэчная сістэма горада Віцебска

30 мая бібліятэка імя Е. Полацкай запрасіла чытачоў на свята ўшанавання памяці святой Еўфрасінні Полацкай “Зоркай свеціцца імя”. У гонар славутай асветніцы, гучалі паэтычныя творы і песні, прысвечаныя яе памяці.

Са словамі пашаны і сваімі вершамі выступілі: старшыня Віцебскага аддзялення Саюза пісьменнікаў Беларусі Т. Гусачэнка, паэты Н. Салаўёва, Г.Сінякова, У. Папковіч. У выкананні Вольгі Дарошчанка, лаўрэта абласнога конкурсу духоўнай паэзіі, прагучаў урывак з верша Алега Бембеля “Святы покрыў над Беларуссю”. У канцэрце духоўнай музыкі прынялі ўдзел трыа Свята –Георгіеўскага храма “Каўчэг”, творчая група “Ліра” ВДУ імя П. Машэрава, бард Фёдар Захараў.