Цэнтралізаваная бібліятэчная сістэма горада Віцебска

     25 і 26 сакавіка ў бібліятэцы імя Ул.Караткевіча праходзіла свята «Сабе падорым мы вясной вясёлы, радасны настрой», у ім прымалі ўдзел наведвальнікі школьнага лагера ДУА «Сярэдняя школа №28», «Сярэдняя школа №25» і «Сярэдняя школа №31». 

Займальна і цікава дзецям расказалі, што традыцыйна вясну сустракаюць тройчы: у лютым на Масленіцу, у сакавіку, калі прылятаюць першыя птушкі і ў красавіку, калі зацвітае вярба. Дзеці праганялі зіму і заклікалі вясну, адказвалі на пытанні «Веснавой віктарыны», з задавальненнем прымалі ўдзел у розных гульнях: «Песня вераб'я», «Птушыныя трэлі», «Музычны калейдаскоп»; пры дапамозе конкурсаў успомнілі і іншыя вясеннія святы: 8 сакавіка, Дзень смеху, Міжнародны дзень дзіцячай кнігі і інш. Сустрэча вясны для юных чытачоў бібліятэкі прайшла весела, з запалам і адначасова цікава і пазнавальна.