Централизованная библиотечная система города Витебска

   23 снежня ў бібліятэцы імя Ул. Караткевіча прайшоў экскурс у гісторыю елачных упрыгожванняў «На галіначках яркія шары, цацкі прывабныя ззяюць угары», у якім прымалі ўдзел вучні пачатковых класаў СШ №11.

     Дзеці даведаліся, што Новы год не заўсёды адзначаўся ў ноч на 31 снежня, што спачатку ў славян святочным дрэвам была вішня, якая спецыяльна загадзя ўнасілася ў дом, каб у пэўны час парадаваць сваім далікатным красаваннем. Вучням расказалі, калі і чаму галоўным дрэвам стала елка і якія ўпрыгожванні развешваліся на яе галінках. Дзецям таксама паказалі навагоднія цацкі савецкага часу і цацкі зробленыя сваімі рукамі. Напрыканцы мерапрыемства яе ўдзельнікі патанчылі пад навагоднія песні.