Централизованная библиотечная система города Витебска

5 снежня ў бібліятэцы імя Ул. Караткевіча з удзелам наведвальнікаў сацыяльнага цэнтра рэабілітацыі і абілітацыі інвалідаў прайшло падарожжа па старонках кнігі «7 Цудаў Белавежскай пушчы». Бібліятэкар пазнаёміла з таямніцамі і цудамі аднаго з самых старажытнейшых лясоў планеты.

Прысутных на мерапрыемстве зацікавілі факты, звязаныя з параметрамі дуба-патрыярха, якому больш за 560 гадоў, з біялагічнымі асаблівасцямі зубра – волата пушчы, квакшы, якая дзякуючы прысоскам лазіць па дрэвах, з раслінамі, якія растуць на Дзікім балоце, з малавядомымі ядомымі грыбамі. Напрыканцы быў паказаны анімацыйны фільм «Белавежская пушча», створаны пры дапамозе штучнага інтэлекту.