Централизованная библиотечная система города Витебска

   1 снежня ў бібліятэцы імя Самуіла Маршака ў межах праекта «Краіна, у якой я жыву» прайшло краязнаўчае падарожжа «Сем цудаў Беларусі» з удзелам вучняў СШ № 4.
  Пачалося мерапрыемства з бліц-віктарыны «Што я ведаю пра родную краіну?», дзе юнакі і дзяўчаты прадэманстравалі свае веды па гісторыі і прыродзе Беларусі.

   Далей удзельнікі «адправіліся» у Нацыянальны парк «Белавежская пушча» - адзін з найбуйнейшых і найстарэйшых лясных масіваў Еўропы. «Пабывалі» у Полацку - горадзе, дзе знаходзіцца Сафійскі сабор, звязаны з імем асветніцы Еўфрасінні Полацкай і ўнікальны помнік літары «Ў» - сімвал самабытнасці беларускай мовы. «Пабачылі» Касцёл Святой Тройцы ў Гервятах - самы высокі неагатычны храм у Беларусі (61 метр). Пазнаёміліся з Геадэзічнай дугой Струвэ - ланцугом пунктаў, якія дазволілі вучоным дакладна вызначыць форму і памеры Зямлі, а таксама з выцінанкай і ўнікальнай сожскай сканню, якая не мае аналагаў у свеце.
   Завяршылася падарожжа «наведваннем» Нацыянальнай бібліятэкі Беларусі ‒ сучаснага мультыфункцыянальнага цэнтра, дзе сумясціліся высокія тэхналогіі, ультрасучасны дызайн і незвычайная архітэктура. У завяршэнне падарожжа юныя чытачы прыйшлі да высновы, што ўсе мы павінны любіць сваю Радзіму, берагчы яе гістарычную і культурную спадчыну.