Централизованная библиотечная система города Витебска

   26 лістапада ў бібліятэцы імя Ул. Караткевіча прайшло літаратурнае свята «Быў. Ёсць.Будзеш сёння, і заўтра , і вечна...», прысвечанае 95-годдзю з дня нараджэння Уладзіміра Караткевіча. Адкрыла свята песня на словы Уладзіміра Караткевіча «Бацькаўшчына» у выкананні лаўрэата Міжнародных і Рэспубліканскіх конкурсаў Хрысціны Шэвелевай.

  Прысутным былі паказаны відэасюжэты «Быў. Ёсць. Будзеш!», «Спадчына Уладзіміра Караткевіча». Літаратуразнаўца і пісьменніца Ганна Навасельцава ў сваім выступленні акцэнтавала ўвагу на цікавых фактах з жыцця і творчасці пісьменніка, прачытала яго вершы, таксама быў паказаны відэаролік «Пуцявінамі Уладзіміра Караткевіча» на верш Інны Мароз, пісьменніцы і лаўрэата абласной літаратурнай прэміі імя Ул. Караткевіча 2025года. Студэнты Віцебскага дзяржаўнага калледжа культуры і мастацтваў прынялі ўдзел у паэтычнай кампазіцыі «І не знікаць Паэтам, у вечнай Песні жывучы!». Удзельнікі Народнага тэатра–студыі аўтарскай песні Аліна Цвірко і Алег Карпіцкі выканалі аўтарскія песні на словы Уладзіміра Караткевіча. Напрыканцы мерапрыемства былі агучаны асноўныя запаветы Уладзіміра Караткевіча, якія ён пакінуў будучым пакаленням беларусаў у кнізе «Быў. Ёсць. Буду».