Централизованная библиотечная система города Витебска

   18 лістапада ў цэнтральнай гарадской бібліятэцы імя М. Горкага адбылося літаратурнае свята, прысвечанае 95-годдзю з дня нараджэння выдатнага беларускага пісьменніка, паэта і публіцыста Уладзіміра Сямёнавіча Караткевіча.
  Мерапрыемства прайшло пад сімвалічнай назвай «Быў. Ёсць. Будзеш сёння, і заўтра, і вечна... », падкрэсліваючы неўміручасць творчасці аўтара, які пакінуў глыбокі след у нацыянальнай літаратуры і культуры Беларусі.

    Гасцямі свята сталі студэнты Віцебскага дзяржаўнага ўніверсітэта імя П.М. Машэрава, прадстаўнікі гарадскога аб'яднання «Залаты ўзрост» і чытачы бібліятэкі. Для іх была падрыхтавана відэапрэзентацыя, якая распавядала пра жыццёвы і творчы шлях Уладзіміра Караткевіча.
  Асаблівая ўвага была ўдзелена ўкладу пісьменніка ў развіццё беларускай літаратуры і нацыянальнай самасвядомасці. Прысутныя даведаліся малавядомыя факты з яго біяграфіі, а таксама пра людзей, якія паўплывалі на яго светапогляд і літаратурны стыль — настаўніках, калегах, духоўных настаўніках.
  Свята ўпрыгожылі выступленне Народнага тэатра моды «Стыль» Віцебскага дзяржаўнага індустрыяльна-тэхналагічнага каледжа. Не менш яркім момантам мерапрыемства стала выступленне навучэнцаў Віцебскага каледжа культуры і мастацтваў, якія падарылі гледачам меладэкламацыю — выразнае чытанне ўрыўкаў з твораў Уладзіміра Сямёнавіча пад музычнае суправаджэнне. Гэта дазволіла па-новаму пачуць знаёмыя радкі, адчуць іх эмацыйную глыбіню і мелодыку беларускага слова.