Централизованная библиотечная система города Витебска

   18 сакавіка ў бібліятэцы імя С.Маршака ў рамках этнаграфічнага праекта «Да бабулі ў вёску: чароўныя майстэрні» прайшла творчая сустрэча, прысвечаная аднаму з самых старажытных і прыгожых рамёстваў — ткацтву.

   Разам з Цімам, героем цудоўнай кнігі Ірыны Токаравай «Чароўныя майстэрні, або Прыгоды Ціма ў Дудутках», вучні СШ № 29 адправіліся ў віртуальную вандроўку ў беларускую вёску. Тім распавёў дзецям дзіўную гісторыю пра тое, які доўгі шлях праходзіць маленькае блакітнае зернейка лёну, перш чым стаць трывалай і прыгожай тканінай.
   Але якое ж ткацтва без майстра? Сапраўдная ткачыха пазнаёміла хлопчыкаў і дзяўчынак са старадаўнім станком — кроснамі, на якіх працавалі яшчэ нашы прабабулі. Дзеці з цікавасцю разглядалі мудрагелістыя дэталі і даведаліся сакрэты беларускага арнаменту, дзе кожны ўзор — гэта не проста малюнак, а сапраўднае пасланне з пажаданнямі шчасця і дабра.
   Самым хвалюючым момантам стала практычнае заданне «Чароўная нітачка». Кожны ўдзельнік змог адчуць сябе майстрам і паспрабаваў «соткі» сваю першую закладку для кнігі. Сплятаючы нітку да ніткі, дзеці стваралі свае маленькія шэдэўры, укладаючы ў іх часцінку душы.
   Гэта была не проста гульня, а сапраўдная сувязь пакаленняў. Мы ўпэўнены: пакуль трымаецца гэтая «чароўная нітачка» нашай памяці — жыве і наша культура!