Централизованная библиотечная система города Витебска

  У бібліятэцы имя У. Караткевича прайшла серыя літаратурных мерапрыемстваў, прысвечаных знаёмству юных чытачоў з творчасцю Івана Андрэевіча Крылова, Барыса Сцяпанавіча Жыткова і Рэдзьярда Кіплінга — пісьменнікаў, чые творы застаюцца актуальнымі і любімымі на працягу многіх гадоў.

   20 студзеня з удзелам вучняў 4 «Б» класа СШ №11 прайшла літаратурная гадзіна па творчасці Р. Кіплінга «Адкрываем кнігу джунгляў». Дзецей запрасілі ў падарожжа па старонках казак, у якіх звяры размаўляюць, пустыня шэпча, а чалавек вучыцца быць смелым і добрым. Дзякуючы мудрым гісторыям вучні даведаліся, чаму ў вярблюда горб, а ў леапарда чорныя плямы, адкуль у слана хобат, а ў кіта такая глотка і яшчэ адкрылі для сябе шмат іншых прыродных таямніц.  21 студзеня вучні 3 «А» класа СШ №11 г прынялі ўдзел у літаратурнай гадзіне «Пасябруйце з кнігамі Барыса Жыткова». Дзяцей пазнаёмілі з жыццём і творчасцю пісьменніка. З яго твораў вучні даведаліся пра ручную птушку галку, якая забрала бабуліны акуляры, пра малпу ў камізэльцы, якую аднойчы падарылі хлопчыку, пра слана, які выратаваў гаспадара ад тыгра. Напрыканцы мерапрыемства дзеці паглядзелі мультыплікацыйны фільм «Пудзя» па матывах аднайменнага апавядання Б. Жыткова.  21 студзеня з удзелам 3 «В» класа гімназіі №3 прайшла літаратурная гадзіна «Дзядуля рускай байкі», якая была прысвечана Івану Андрэевічу Крылову — вялікаму рускаму байкапісцу, чые байкі сталі класікай, і ў якіх аўтар, праз вобразы жывёл выкрываў чалавечыя заганы і адмоўныя грамадскія з'явы. Бібліятэкар расказала пра жыццёвы і творчы лёс пісьменніка, а дзеці пачыталі напамяць басні і далі характарыстыку героям: адных асуджалі за гультайства, ліслівасць, ашуканства, невуцтва другіх хвалілі за працавітасць, сціпласць, сяброўства, сумленнасць , а іншых нават шкадавалі, напрыклад, легкадумную стракозу, асуджаную на голад і холад, квартэт, які б'ецца рабіць тое, што яму не дадзена, варону, якая засталася без сыра.