Централизованная библиотечная система города Витебска

     24 лютага бiблiятэка iмя П. Броўкi запрасiла вучняў пачатковай школы ДУА «Гiмназiя № 8 г. Вiцебска» на лiтаратурнае знаёмства «Вiтаем кнiжку беларускую!».

     Разам з бiблiятэкарам школьнiкi «адправiлiся» у вандроўку па дзiўнай краiне сучаснай беларускай дзiцячай лiтаратуры, пазнаёмiлiся з сучаснымi казачнiкамi, празаiкамi i паэтамi. Дзецi з задавальненнем праслухалi ўрыўкi з твораў У. Лiпскага, У. Ягоўдзiка, Л. Цiняковай, П. Мiсько і iншых аўтараў.

    Асаблiва дзяцей ўразiлi казка А. Марцiновiча «Баба Яга Ракетная нага» i кнiга А. Бутэвiча «Прыгоды вiруса Шкодзi». Школьнікам спадабалася гульня «Дзедаў карабец»: хлопчыкi i дзяўчынкi адказвалi на пытаннi бiблiятэкара, адгадвалi загадкi на беларускай мове. На працягу сустрэчы бiблiятэкар iмкнуўся да таго, каб дзецi не толькi даведалiся пра навiнкi беларускага друку, але i адчулi хараство i мiлагучнасць роднай мовы, зразумелi, штo кожны адказны за тое, каб захаваць роднае слова i перадаць яго нашым нашчадкам.