Централизованная библиотечная система города Витебска

    30 кастрычніка ў бібліятэцы імя Ул.Караткевіча для вучняў 4 «Б» класа ДУА «Гімназія №9 г. Віцебска» прайшла гадзіна беларускага фальклору «Апекуны зямнога жыцця».

     Дзеці з цікавасцю слухалі расповеды пра незвычайных міфічных істот, якімі ва ўяўленнях нашых продкаў быў населены ўвесь навакольны свет: палі і лясы, азёры і рэкі, падворкі і хаты. Школьнікі даведаліся, як яны жылі, валадарылі, гаспадарылі, дапамагалі ці шкодзілі, пра іх характары, звычкі і норавы. Прысутныя задалі бібліятэкару шмат пытанняў, і пад канец мерапрыемства ўжо ўсе добра ведалі, што той, хто трымае ў руках два вялікія камяні – Пярун; той, хто ўвесь у ціне і водараслях – Вадзянік; а той, хто кпіць з нас у нас за спіной – Хіхітун.
Цудоўна ілюстраваныя кнігі, прадстаўленыя на выставе, а таксама лялькі міфічных істот: дамавіка, вадзяніка, Бабы-Ягі, чарцей дапамаглі дзецям увачавідкі ўявіць чароўны свет міфаў і казак, што зберагла людская памяць і захавала вусная творчасць народа.