Цэнтралізаваная бібліятэчная сістэма горада Віцебска

У межах рэспубліканскай акцыі "Лето с хорошей книгой" бібліятэка імя Ул. Караткевіча сумесна с УП "Віцебскаблсаюздрук" 20 чэрвеня арганізавала літаратурнае свята "Трэба кожны дзень чытаць, каб разумным, добрым стаць", удзельнікамі якога сталі наведвальнікі школьнага лагера ДУА "Сярэдняя школа № 34 г. Віцебска" і "Гімназія № 3 г. Віцебска імя А.Пушкіна".
На свята прыйшлі героі дзіцячых кніг: Нязнайка і Мальвіна, Айбаліт і Кот у ботах, Астролаг і Капітан Врунгель.

Дзеці актыўна ўдзельнічалі ў конкурсах, адказвалі на пытанні літаратурных персанажаў, расшыфроўвалі загадкавыя надпісы, разам з галоўным героем часопіса "Вясёлка" Васем Вясёлкіным вывучалі беларускую мову, а таксама спявалі песні "Чытайка", "Той, хто любіць чытаць" і танчылі пад вясёлую музыку.

Усе ўдзельнікі свята атрымалі падарункі ад УП "Віцебскаблсаюздрук" – цікавыя пазнавальныя і забаўляльныя часопісы "Незнайка", "Детские сказки", "Фантазёры", "Буся", "Город шарад", "Пропеллер", кнігі- размалёўкі і каляровыя фламастэры.

Літаратурнае свята прайшло змястоўна і весела, падарыла ўсім добры настрой.