Цэнтралізаваная бібліятэчная сістэма горада Віцебска

Вобразы мілыя роднага краю,
Смутак і радасць мая!
Што маё сэрца да вас парывае?
Чым так прыкованы я...
             Я. Колас "Родныя вобразы"

У межах літаратурна-паэтычнага цыкла "Каласавіны", прысвечанага 135-годдзю з дня нараджэння Якуба Коласа, бібліятэка, якая носіць яго імя, 30 сакавіка запрасіла вучняў малодшых класаў сярэдняй школы № 35 у завочную вандроўку па коласавых мясцінах "Тут Колас жыў – у цішыні лясной..."

Дзеці пабывалі ў цудоўных маляўнічых куточках: засценку Акінчыцы, дзе паэт нарадзіўся, урочышчы Ласток і леснічоўцы Альбуці, куды потым пераехала сям'я Міцкевічаў. Гэтыя прыгожыя мясціны натхнілі маленькага хлопчыка ў 12 гадоў напісаць свой першы верш "Вясна".

Непаўторныя беларускія краявіды роднай прыроды будуць жыць у сэрцы паэта і ў яго творчасці ўсё жыццё. Падчас завочнай вандроўкі прагучалі вершы: "Песня ластаўкі", "Вясна на Палессі", "Нёман", а таксама дзеці з задавальненнем паслухалі маленькія павучальныя апавяданні: "Мурашкі", "Прылёт птушак", "Ластаўкі. Падарожжа атрымалася цікавым і пазнавальным.