Цэнтралізаваная бібліятэчная сістэма горада Віцебска

1 верасня ў бібліятэцы імя Ул.Караткевіча прайшоў ўрок ведаў пад назвай "Нам гэты свет завешчана берагчы", у якім прынялі ўдзел вучні 2 "А", 2 "Б", 2 "В", 2 "Г" класаў ДУА "Гімназія №3 г. Віцебска імя А. Пушкіна".

Мерапрыемства пачалося з прагляду відэакліпа добра вядомай песні "Сонечны круг", пад час якога маленькія чытачы з задавальненнем падпявалі выканаўцу на экране. Потым дзецям расказалі казку, якая прымусіла іх задумацца над пытаннем: што такое мір і што такое свет. Яны паразважалі на гэту тэму, даведаліся пра гісторыю святкавання Дня міру і пачулі голас "Звона міру". Бібліятэкары нагадалі школьнікам пра той час, калі краіна была ахоплена полымем вайны, расказалі прытчу, у якой народная мудрасць дае адказ, як жыць у згодзе і як голуб стаў сімвалам міру. Напрыканцы мерапрыемства кожнаму вучню падарылі папяровага голуба, на якім ён напісаў пажаданне свайму аднакласніку. Дзеці абмяняліся галубамі і абяцалі берагчы іх, як сімвалы мірнага жыцця .