Цэнтралізаваная бібліятэчная сістэма горада Віцебска

     5 чэрвеня ў бібліятэцы імя Ул. Караткевіча з удзелам наведвальнікаў летняга лагера СШ №42 прайшло адкрыццё выставы цацак ваенных гадоў Анжалікі Вішнеўскай і чытачоў бібліятэкі «Кукла в ту войну с прабабушкой на равных воевала». Бібліятэкар запыталася ў дзяцей пра любімыя цацкі, з якімі яны гуляюць сёння і расказала як выглядалі і з чаго вырабляліся цацкі ў гады вайны, які матэрыял ішоў на выраб лялек, паравозікаў, аўтаматаў, мячыкаў.

     Дзеці, затаіўшы дыханне, слухалі гісторыі пра цацкі, якія выратавалі жыццё сваім уладальнікам і іх блізкім, дапамаглі перажыць адзіноцтва, перамагчы голад і холад, пераадолець страх, калі гучалі выбухі, вылі сірэны, градам ляцелі кулі. Прагляд відэакліпа песні «Дзеці вайны» у выкананни Сафіі Феськовай і відэазапіса верша Лоры Тассі «Оборванного мишку утешала» эмацыянальна узмацнілі мерапрыемства .