Цэнтралізаваная бібліятэчная сістэма горада Віцебска

     9 сакавіка ў бібліятэцы імя У. Караткевіча прайшоў майстар-клас «Лялька на шышцы».

     Дзецям расказалі, што раней для вырабу лялькі-мотанкі выкарыстоўваліся розныя падручныя матэрыялы. Валанцёр Анжаліка Вішнеўская прапанавала ўзяць у якасці асновы для лялькі яловую шышку. Удзельнікі майстар-класа даведаліся, што шышкі валодаюць бактэрыцыднымі ўласцівасцямі, а іх афарбоўка мяняецца з часам ад зялёнай да залаціста – ці шаравата-карычневай, і ў большасці ёлак яны размяшчаюцца на самым версе, каб далей разляталася семя. Дзеці прыбралі лялькі па свайму густу ў прыгожыя сукенкі і хусткі, зрабілі ім прычоскі, а аснова з шышкі садзейнічала іх ўстойлівасці.