Цэнтралізаваная бібліятэчная сістэма горада Віцебска

     25, 27 лютага ў бібліятэцы імя У. Караткевіча праходзіла святочная праграма «Масленіца гуляла – вясну сустракала», у якой бралі ўдзел вучні 1-2-х класаў СШ №11.

     Бібліятэкар расказала дзецям пра Масленіцу – народнае свята праводзін зімы і сустрэчы вясны, свята сонейка і агульнай радасці. Дзеці даведаліся, чаму такая вялікая пашана блінам на Масленіцу, чаму ў гэты дзень хлопцы і дзяўчаты гушкаюцца на арэлях, чаму ў апошні дзень свята людзі адзін у аднаго просяць прабачэння. А з казкі Раісы Баравіковай «Масленіца» і народнай казкі «Саламяная Масленіца», якія расказала бібліятэкар, стала вядома адкуль на Беларусі пайшла традыцыя святкаваць масленічны тыдзень і паліць на агні саламянае чучала, якое сімвалічна ўвасабляла ў сабе стары год, зло і холад. Напрыканцы мерапрыемства дзеці не толькі пазнаёміліся з кнігіамі і матэрыяламі па тэме, але і пакаштавалі гарбаты з самавару з сытнымі блінамі, смачным печывам і духмянымі абаранкамі.