Цэнтралізаваная бібліятэчная сістэма горада Віцебска

     25 лютага ў бібліятэцы імя У. Караткевіча з удзелам вучняў 3 «Б» класа гімназіі №3 прайшла віктарына па творчасці Аляксея Мікалаевіча Талстога «У пошуках залатога ключыка».

     Дзяцей пазнаёмілі з дзяцінствам пісьменніка, пачаткам яго творчага шляху, расказалі пра тое, што гэта казка з'яўляецца адаптаваным перакладам кнігі Карла Калодзі «Прыгоды Пінокіа...», а таксама, чаму аўтар захапіўся арыгінальнай ідэяй і стварыў свой асабісты сюжэт з гісторыяй хатняга ачага і залатога ключыка. Вучні дома пачыталі кнігу і актыўна адказвалі на пытанні віктарыны: дзе ўзяў папа Карла грошы на азбуку, як Бураціна трапіў на прадстаўленне ў лялечны тэатр, дзе ён аказаўся ўцякаючы ад начных разбойнікаў і што знайшлі героі казкі ў патаемным пакоі.