Цэнтралізаваная бібліятэчная сістэма горада Віцебска

    17 і 18 кастрычніка работнікі бібліятэкі імя У.Караткевіча правялі для выхаванцаў дзіцячых садоў №81 і №72  урок-знаёмства з бібліятэкай «Няхай кнігі сябрамі прыходзяць у ваш дом».

    Дзяцей правялі па  бібліятэцы, паказалі фармуляр чытача, расказалі якую інфармацыю ён змяшчае і як трэба беражліва і акуратна адносіцца да кнігі. Маленькія чытачы таксама паспелі пазнаёміцца з дзіцячымі выданнямі на абанеменце і ў чытальнай зале, і прадэманстраваць свае артыстычныя здольнасці: праінсцэніравалі рускую народную казку «Рэпка», казку Карнея Чукоўскага «Муха-Цакатуха», прадставілі іншых казачных персанажаў.