Цэнтралізаваная бібліятэчная сістэма горада Віцебска

    Адрыццё выставы карцін членаў народнага клуба мастакоў-аматараў «Контур» «І глядзяць з палотнаў, як жывыя, сведкі той бязлітаснай вайны» прайшло 4 чэрвеня ў бібліятэцы імя У.Караткевіча.

    Бібліятэкар прадставіла наведвальнікам летняга лагера «Патрыёт» карціны Мікалая Соўкіна «Сцяг Перамогі», Мікалая Літвінава «Вайна ў паветры і на зямлі», Маргарыты Сайфугаліевай «Сіняя хустачка» і «Чулпан Муса – дачка Мусы Джаліля», расказала пра гістарычныя факты, якія ляглі ў аснову гэтых палотнаў.

     Падлеткі даведаліся пра штурм Берліна, пра чырвонаармейцаў, якія замацавалі Сцяг Перамогі на купале Рэйстага, пра гісторыю стварэння песні «Сіняя хустачка», пра жыццё і творчасць татарскага паэта Мусы Джаліля, пра маштабную танкавую бітву пад Сянно ў 1941 годзе.