Цэнтралізаваная бібліятэчная сістэма горада Віцебска

     5 чэрвеня адбылася гістарычная гадзіна «З мінуўшчыны слаўных падзеяў і спраў», прысвечаная Дню памяці Еўфрасінні Полацкай і 900-годдзю заснавання Спаса-Еўфрасіньеўскага манастыра. Удзельнікамі мерапрыемства ў бібліятэцы імя Е.Лось сталі падлеткі з працоўнага лагера, арганізаванага пры СШ № 7.

       Першая беларуская асветніца, якая абрала шлях служэння Богу і людзям, на стагоддзі стала пуцяводнай зоркай для мноства пакаленняў. Заснаваны Еўфрасінняй Полацкай жаночы манастыр зрабіўся аплотам веры і пазнання. Яго храмы перажылі розныя гістарычныя сутарэнні, але засталіся для сучаснасці сімвалам моцнага духу.

   Хлопцам і дзяўчатам нагадалі гістарычныя падзеі далёкага часу і прапанавалі ў думках здзейсніць падарожжа ў ХII стагоддзе.

       Гэтай славутай жанчыне прысвечана шмат твораў. Да яе вобраза звярталіся паэты розных часоў, не гледзячы на панаванне ўладаў, якія былі супраць веры. Падлеткі пачулі вершы Алеся Звонака, паэта 20-х гадоў прошлага стагоддзя. А Алесь Разанаў прысвяціў свае радкі знакамітай полацкай князёўне ў 1973 годзе. І, вядома, не маглі абысці гэтую тэму сучасныя паэты, чыё жыццё так ці інш звязана са старажытным горадам – Навум Гальпяровіч і Галіна Загурская.