Цэнтралізаваная бібліятэчная сістэма горада Віцебска

  21 студзеня ў бібліятэцы імя У. Караткевіча прайшоў майстар-клас «Дзявочае ўпрыгожванне» па вырабу завушніц у выглядзе панды з удзелам дызайнера Вольгі Фраловай.

  Дзецям прадставілі кнігі па дэкаратыўна–прыкладной творчасці, расказалі пра асаблівасці работы з палімернай глінай, пазнаёмілі тэхнікай запякання ў духавой шафе і тэхналогіяй вырабу завушніц. Дзеці вельмі старанна і акуратна працавалі над кожнай рыскай гэтага сімпатычнага звярка, як скульптары з чорнай і белай гліны фармавалі яго мордачку, таму ўсе панды атрымаліся вельмі падобнымі на сапраўдныя, але кожная са сваім індывідуальным характарам.