Цэнтралізаваная бібліятэчная сістэма горада Віцебска

   20 кастрычніка ў бібліятэцы імя У. Караткевіча прайшла чарговая сустрэча з членам ветэранскай арганізацыі Першамайскага раёна г. Віцебска Аляксандравай Аленай Аляксандраўнай «Гісторыя маёй сям'і ў гісторыі маёй краіны» ў межах сумеснага праекта «Наша роднае», прысвечанага 85-годдзю заснавання Віцебскай вобласці.

   Бібліятэкар прадставіла вучням 6 «Б» класа гімназіі №9 выставу «Гонар і слава нашага краю», расказала пра знакамітых людзей вобласці: асветнікаў, вучоных і канструктараў, музыкантаў і мастакоў, Герояў Вялікай Айчыннай вайны, пісьменнікаў і паэтаў.

   Алена Аляксандраўна пачала свой аповед пра сям'ю ад прадзеда, паказала ўзнагароды сваёй маці, пачытала аўтарскія вершы пра родны горад, дзіцячыя мары, а таксама вершы ваеннай тэматыкі, у якіх знайшлі адлюстраванне і Вялікая Айчынная вайна, і вайна ў Афганістане. Напрыканцы сустрэчы з мудрым наказам да дзяцей звярнуліся старшыня ветэранскай арганізацыі Цітоў Леанід Андрэевіч і яго намеснік Панізовіч Святлана Дзмітрыеўна.