Голасам душы і сэрца. Вольга Русілка
| 
| Hits: 2739
"Голасам душы і сэрца" - пад такой назвай 18 красавіка ў бібліятэцы імя П.Броўкі прайшла творчая вечарына вядомай віцебскай паэткі Вольгі Русілкі.
Паэтэса пазнаёміла ўдзельнікаў вечарыны, вучняў 10 "Г" класа ДУА «Гімназія № 8 г. Віцебска», з некаторымі фактамі сваёй біяграфіі, ярка і эмацыянальна расказала пра свае паэтычныя зборнікі. У аўтарскім выкананні прагучала шмат вершаваных радкоў, прысвечаных "малой радзіме", маці, каханню . Тонкія і лірычныя вершы Вольгі Іванаўны ўразілі слухачоў сваёй таемнасцю, пранікнёнасцю, глыбінёй перажыванняў. Цікава было паслухаць моладзі і вершы-разважанні паэткі пра прызначэнне чалавека, сэнс яго існавання на зямлі.
У выкананні вакальнага калектыву "Шанц" прагучала песня на словы Вольгі Русілкі "Гэта восень", адбылася відэапрэзентацыя апошняй кнігі паэтэсы "Сцежка, сцежачка, сцяжынка". Напрыканцы сустрэчы Вольга Іванаўна адказала на шматлікія пытанні гімназістаў. Вечарына прайшла ў цёплай, душэўнай атмасферы і настроіла ўсіх прысутных на ўзнёслы, рамантычны лад.
