Централизованная библиотечная система города Витебска

    «Беларусь – мая Радзіма» – такую назву мела гульня-падарожжа, што адбылася ў бібліятэцы імя Я. Маўра 20 сакавіка з удзелам выхаванцаў дзіцячага сада № 78.

    Бібліятэкар пазнаёміла маленькіх чытачоў з паходжаннем назвы «Беларусь» і сімваламі краіны. Таксама яны даведаліся пра славутых людзей беларускай зямлі, пагаворылі пра хараство беларускай прыроды, багацце роднай мовы.

    Інфармацыйная вандроўка суправаджалася цікавымі гульнямі «Вывучы лічылкі-жарты», «Скажы па-беларуску», «Самы кемлівы» і завершылася конкурсам «Пажаданне сваёй краіне», дзе дашкаляты стараннна шукалі цёплыя словы-пажаданні мірнага неба, дабрабыту, росквіту і шчасця сваёй Бацькаўшчыне.