Централизованная библиотечная система города Витебска

    20 лістапада ў бібліятэцы імя У. Караткевіча з удзелам вучняў 2-х класаў СШ №11 прайшлі літаратурныя чытанні да дня нараджэння Уладзіміра Караткевіча «Я Віцебск люблю!» – мне сказаў Караткевіч...» у межах праекта да 1050-годдзя з дня заснавання Віцебска «Любы мой горад – натхнення крыніца».

    Дзецям нагадалі, як Уладзімір Караткевіч быў звязаны з нашым горадам, якія творы яму прысвяціў, як увекавечана і як ушаноўваецца памяць пісьменніка ў Віцебску, а таксама прапанавалі прыняць удзел у віктарыне «Віцебск – месца майстроў», так названы адзін з нарысаў у кнізе «Зямля пад белымі крыламі». На мерапрыемстве, як і заўсёды, прагучалі вершы паэтаў Віцебшчыны Маіны Бабарыка, Рыгора Барадуліна, Давіда Сімановіча, прысвечаныя Уладзіміру Караткевічу, а на заключнай яго частцы дзеці зрабілі калаж у выглядзе сэрца «Уладзімір Караткевіч і Віцебск».