Централизованная библиотечная система города Витебска

    20 кастрычніка ў бібліятэцы імя У. Караткевіча прайшоў майстар-клас па вырабу народнай лялькі Даронкі «Мастерим девчушек из лоскутков, да ниток катушек».

    Творчы занятак з дзецьмі і дарослымі праводзіла Анжаліка Вішнеўская. Яна расказала, што лялька вырабляецца ў падарунак родным і сябрам з сакрэцікам. Калі чалавеку жадаюць багацця, то ў аснову лялькі кладуць капеечку, калі – быць майстрам сваёй справы – то гузік, калі – моцнага здароўя – то маленькі каменьчык. Кожны ўдзельнік майстар-класа стараўся зрабіць свой падарунак самым прыгожым і размясціць у аснову лялькі як мага больш пажаданняў.