Централизованная библиотечная система города Витебска

    6 кастрычніка ў бібліятэцы імя У. Караткевіча прайшло адкрыццё выставы аўтарскай лялькі Анжалікі Вішнеўскай «Приходи на меня посмотреть». Паглядзець і палюбавацца на цуда-лялькі прыйшлі і дарослыя, і дзеці.

    Анжаліка Іванаўна расказала пра асаблівасці і гісторыю стварэння кожнага экспаната, а затым правяла майстар-клас па вырабу лялькі-зайчыка. Удзельнікі майстар-класа асвойвалі тэхналогію вырабу народнай лялькі-мотанкі, вучыліся прыёмам шыцця, падбіралі тканіну для асновы і для духмянай падушачкі, якую напаўнялі сушонымі травамі: мелісай, мятай, лавандай. У рэшце рэшт атрымаўся цудоўны пахучы падарунак для родных і сяброў.