Чалавек і слова
| 
| Hits: 1057
28 лістапада ў бібліятэцы імя Ул.Караткевіча прайшоў урок беларускага чытання «Чалавек і слова», у якім бралі ўдзел вучні 4«Г» класа ДУА «Сярэдняя школа №11».
Дзецям расказалі біблейскую легенду «Вавілонская вежа» аб паходжанні розных моў, пазнаёмілі з карцінай галандскага жывапісца Пітэра Брейгеля Старшага «Вавілонская вежа». Асобная старонка была прысвечана гісторыі існавання беларускай мовы, спрыяльным і неспрыяльным перыядам у яе развіцці.
Пры дапамозе мультымедыйнай прэзентацыі чацверакласнікам паказалі выяву скульптуры П.Вайніцкага «Прысвячэнне роднаму слову», якая з'яўляецца візітнай карткай музея кнігадрукавання ў Полацку, а таксама выяву помніка беларускаму алфавіту і літары «Ў». Дзеці пачыталі напамяць вершы беларускіх паэтаў, прысвечаныя прыгажосці і мілагучнасці беларускай мовы.
