20 і 22 мая ў бібліятэцы імя Ул. Караткевіча прайшла гадзіна мужнасці "Моцныя духам", падчас якой навучэнцы 2-х класаў СШ №11 і наведвальнікі аддзялення рэабілітацыі і абілітацыі інвалідаў тэрытарыяльнага цэнтра сацыяльнага абслугоўвання насельніцтва Кастрычніцкага раёна г.Віцеска даведаліся пра гераізм лётчыкаў у розныя часы.

  Затаіўшы дыханне слухала аўдыторыя пра подзвіг Мікалая Гастэлы і яго экіпажа, накіраваўшых свой палаючы самалёт на калону фашысцкай тэхнікі, пра Аляксандра Гараўца, збіўшага ў адным баі дзевяць варожых самалётаў, пра самага юнага лётчыка Аркадзя Каманіна, які ў вайну зрабіў 650 вылетаў, а ў чэрвені 1945, прымаўшага ўдзел у Парадзе Перамогі ў Маскве, пра подзвіг Уладзіміра Карвата, які 23 мая 1996 года коштам уласнага жыцця падарыў другі дзень нараджэння баранавічскай вёсцы Арабаўшчына. Асобная старонка мерапрыемства была прысвечана лётчыкам-героям сённяшняга часу: маёру Андрэю Нічыпорчыку і лейтэнанту Нікіце Куканенка, якія паўтарылі подзвіг Уладзіміра Карвата, праявілі мужнасць і гераізм і адвялі бяду ад жылых дамоў населенага пункта.