28 студзеня ў межах сумеснага праекта з вецеранскай арганізацыяй Першамайскага раёна г. Віцебска «В мир приходит женщина, чтобы мир спасти» у бібліятэцы імя Ул. Караткевіча прайшла гадзіна памяці «Забвению предать нельзя, нельзя оставить в прошлом» з удзелам былога непаўналетняга вязня Клары Васільеўны Савіцкай. Мерапрыемства было прыўрочана да Міжнародняга дня памяці ахвяр Халакоста.

    Бібліятэкар расказала вучням 6 «В» класа СШ №11 пра ўмовы ўтрымання ў канцлагеры Асвенцім, пра ўражэнку гарадскога пасёлка Шуміліна Зінаіду Лішакову, якая была вязнем гэтай «фабрыкі смерці», пра гетта, якія існавалі на тэрыторыі Беларусі і ў Віцебску. Клара Васільеўна Савіцкая падзялілася ўспамінамі пра сваё дзяцінства, праведзенае ў канцлагеры, пра няпростыя пасляваенныя гады, пра сваю вучобу ў медінстытуце, пра ўдзел у будаўніцтве Наваполацкага нафтаперапрацоўчага камбіната, пра свае захапленні спортам.