12 красавіка ў бібліятэцы імя У. Караткевіча прайшло адкрыццё выставы «Жывапіс на пяльцах» членаў абъяднання аматараў вышыўкі «Іголачка» культурна-гістарычнага комплекса «Залатое кола г. Віцебска «Дзвіна».

   Удзельнік творчага калектыву Таццяна Андрэеўна Стаселька расказала вучням 3 «В» класа гімназіі №3 пра тое, як нараджаюцца сюжэты для вышываных карцін і колькі трэба часу і цярпення для падбору колераў нітак, для ўвасаблення задуманага на палатне. А далей бібліятэкар запрасіла дзяцей пазнаёміцца з выставай пры дапамозе гульні «Кожнай карціне – музычны эпіграф», расказала пра гісторыю ўтварэння гэтага прыгожага віда дэкаратыўна-прыкладнога мастацтва, пра сімволіку элементаў беларускага арнамента ў вышыўцы. Ад дзяцей у падарунак майстрам вышыўкі прагучалі паэтычная кампазіцыя «Вы – рукодельницы! И ясно понимаем: мир красками не смог без вас сиять!» і песня «Беларусь – мой дом». Напрыканцы мерапрыемства яго удзельнікі паглядзелі музычны відэакліп «Вобразы вышывальшчыц на карцінах вядомых мастакоў».