Напярэдадні Дня пісьменніка ў бібліятэцы імя Ул.Караткевіча прайшла літаратурная гадзіна па творчасці Максіма Танка (Яўгена Скурко) «Паэт – Чарадзей», у якой бралі ўдзел вучні 4 «Г» класа СШ № 11.

Дзецям расказалі пра няпросты лёс пісьменніка, які жыў і вучыўся ў той частцы Беларусі, якая да 1939 года належыла Польшчы, які змагаўся за магчымасць гаварыць і пісаць на роднай мове, за свабоду і незалежнасць сваёй радзімы, таму і выбіраў для сябе такія псеўданімы як «Аўгень Бура», «А. Граніт» і «Максім Танк». Асобна бібліятэкар прыпыніўся на вершаваным творы пісьменніка «Казка пра Музыку», якая расказвае пра барацьбу супраць несправядлівасці, пра працалюбства і таленавітасць беларускага народа, а дзеці прынялі ўдзел у акцыі «Чытаем казку разам» і патлумачылі сэнс кожнага ўрыўка чароўнага, фантастычнага і адначасова жыццёвага твора.