img_6708

 

14 сакавіка ў Цэнтральнай бібліятэцы імя М. Горкага адбылася сустрэча з расійскім гісторыкам, пісьменнікам, экспертам па гісторыі Расіі і сумежных дзяржаў Аляксандрам Аляксандравічам Чароміным. Ен нарадзіўся ў Астрахані, закончыў факультэт “Архіўная справа” Маскоўскага дзяржаўнага гасторыка-архіўнага інстытута. Займаецца пытаннямі, якія найбольш сфальсіфікаваны, альбо насілі грыф сакрэтнасці.

 

 

img_6737Прафесар, аўтар больш за 100 публікацый па гісторыі, краязнаўству, ваеннай гісторыі, паліталогіі, геапалітыцы, біяграфіі выдатных дзеячоў, некалькіх манаграфій і кніг, невыпадкова завітаў у наш горад. Яго цікавяць малавядомыя старонкі з гісторыі Беларусі. Унікальны край і унікальная гісторыя прыцягваюць увагу даследчыка. У планах гісторыка кнігі пра г. Мозыр, Мінск, у коле яго інтарэсаў і наша Віцебшчына, тым больш, што першы беларускі горад, які ў свой час ён наведаў, быў менавіта Віцебск. Але галоўнай мэтай сустрэчы была прэзентацыя кнігі «Туровское княжество (Х-ХIV века)». Прысутныя пачулі цікавы расповяд пра работу аўтара па збору матэрыялаў ў архівах розных краін, у тым ліку ў архівах Ватыкана, дзе захаваны і сістэматызаваны матэрыялы па гісторыі многіх еўрапейскіх дзяржаў, у тым ліку і Беларусі, якія, нажаль, закрыты для беларускіх даследчыкаў. Цікава было пачуць і пра сэнс, укладзены ў афармленне вокладкі кнігі. Напрыканцы аўтар адказаў на пытанні прысутных.