Пяшчотаю прасветленае слова: біблягр. нарыс да 100-годдзя з дня нараджэння В. Віткі / склад. Л.Д. Саскевіч; ЦГБ імя М. Горкага; аддз. інфарм.-бібліягр. работы. – Віцебск, 2011. - 14 с.

Няўмольна бяжыць час, аддаляючы ад нас даты, падзеі, імёны, але ён не можа паўплываць на памяць нашчадкаў пра тых, хто пакінуў пасля сябе добрыя справы, заслужыўшы тым самым удзячнасць наступных пакаленняў. Васіль Вітка – не выключэнне. Віткаўскае слова – вядома. Яно – хвалюе. Яно – свеціць. Яно – на вуснах нашчадкаў.

Рэкамендацыйны бібліяграфічны нарыс і спіс літаратуры "Пяшчотаю прасветленае слова" прысвечаны 100-годдзю з дня нараджэння Васіля Віткі. Спіс прапануецца бібліятэкарам, настаўнікам, выхавацелям, бацькам, школьнікам, усім тым, хто цікавіцца жыццём і творчасцю Васіля Віткі. Дапаможнік уключае літаратуру, якая ёсць у бібліятэках Цэнтралізаванай бібліятэчнай сістэмы г. Віцебска. Матэрыялы ў бібліяграфічным спіску размяшчаюцца ў алфавітным парадку аўтараў і назваў.