Адкрыццё выставы "Саламяны цуд" удзельнікаў студыі саломапляцення ДУ "Культурна-гістарычны-комплекс "Залатое кола горада Віцебска "Дзвіна" адбылося 16 снежня ў бібліятэцы імя Ул. Караткевіча.

На ёй былі прадстаўлены сумкі, капелюшы, аб'ёмныя фігуры дзяўчат і хлопцаў у нацыяльных касцюмах, букеты кветак фантазійных і рэальных. На адкрыцці прысутнічалі кіраўнік студыі Людміла Вараб'ёва і майстры саломапляцення. Людміла Мікалаеўна расказала пра тое, што саломапляценне Беларусі ўключана ў спіс нематэрыяльнай культурнай спадчыны ЮНЕСКА, расказала пра асаблівасці старажытнага рамяства. Вучні 3 "А" класа ДУА "Гімназія №3 г. Віцебска імя А.С. Пушкіна" павіншавалі майстрых з 25-годдзем з моманта заснавання студыі, падзякавалі вершамі і музычнымі падарункамі за іх прыгожыя творчыя работы, а таксама хлопчыкам далі магчымасць паказаць сваю сілу, падняўшы некалькі разоў вялікі кузуб (кораб), а дзяўчынкам прадэманстраваць стыльныя саламяныя капялюшыкі і сумкі. Напрыканцы мерапрыемства Людміла Мікалаеўна разам з майстрыхамі падарыла дзецям і бібліятэцы саламяныя ўпрыгожванні на навагоднюю елку.