Літаратурна-музычная імпрэза "Душа народа ў песнях тых жыве" з нагоды 135-годдзя з дня нараджэння слыннага сына беларускай зямлі, народнага паэта Беларусі Якуба Коласа, адбылася 17 кастрычніка ў бібліятэцы імя Ул. Караткевіча.

Удзельнікамі імпрэзы сталі вучні 7 "А" класа ДУА "Гімназія № 9 г. Віцебска" і 6 "Г" класа ДУА "Сярэдняя школа №11 г. Віцебска". Віртуальнае падарожжа пазнаёміла вучняў з памятнымі мясцінамі, звязанымі з жыццём Я. Коласа, потым прысутным нагадалі асноўныя вехі жыцця і творчасці Песняра: эпізоды дзяцінства, ваенны і пасляваенны час, першы верш, першая ўзнагарода, першая кніга.

Гучалі вершы і ўрыўкі з паэм Якуба Коласа "Новая зямля" і "Сымон–музыка", а таксама прагучалі і ўсім вядомыя песні на словы паэта "Мой родны кут" і "Родныя вобразы".