Да Дня Незалежнасці ў бібліятэцы імя Е. Лось была прымеркавана гульнявая праграма "Наша жытняя і васільковая, несмяротная Беларусь", якая адбылася 30 чэрвеня і 4 ліпеня для наведвальнікаў школьных лагераў ДУА "Гімназія №4" і "СШ №7".

Разам з бібліятэкарам дзеці ўзгадалі асноўную падзею, з якой звязана дзяржаўнае свята нашай краіны. Гэтаму добра садзейнічала знаёмства з рэпрадукцыяй карціны мастака В.Волкава "Мінск. З ліпеня 1944 года", якую аўтар прысвяціў дню вызвалення сталіцы ад фашысцкіх захопнікаў. Вучні адказвалі на пытанні вуснага красворда "Была вайна", разгадвалі "ваенныя" словы, схаваныя за карткамі. Крыху складанай была гульня "Салют, Перамога" (каб назваць слова "Вікторыя", спатрэбілася спачатку вызначыць шмат звязаных па сэнсу слоў, якія былі напісаны на чырвоных зорках), але і з гэтым заданнем дзеці справіліся. Тым больш, што актыўных удзельнікаў чакала ўзнагарода - залаты медаль (з шакаладу).