Дзень 30 мая ў бібліятэцы імя Ул.Караткевіча быў аб'яўлены Днём краязнаўчых ведаў. На працягу дня для навучэнцаў пачатковых класаў ДУА "Гімназія №3 г.Віцебска імя А. Пушкіна" былі арганізаваны віртуальныя вандроўкі па роднаму гораду "Па мясцінах памятных прайдуся".

Праз легенды і рэальныя факты дзецям расказвалі пра гісторыю г. Віцебска, пра слаўныя і гераічныя гады, пра подзвігі герояў вайны, пра знакамітых пісьменнікаў, мастакоў, музыкантаў, чые лёсы звязаны з нашым горадам, пра помнікі, устаноўленыя ў гонар вядомых людзей, а таксама пра гарадскія скульптурныя кампазіцыі, якія упрыгожваюць Віцебск і робяць яго адметным сярод іншых гарадоў краіны.

Дзецей таксама пазнаёмілі з сумесным выданнем бібліятэкі імя У. Караткевіча і гімназіі "Віцебская азбука" і паказалі мультымедыйную прэзентацыю гэтай кнігі.

Пасля заканчэння Дня і ад дзяцей, і ад настаўнікаў гучалі словы падзякі ў адрас бібліятэкі за змястоўнае падарожжа, насычанае цікавай інфармацыяй пра родны горад.