2017 год азнаменаваны 135-гадовым юбілеем вялікага песняра беларускага народа, класіка нацыянальнай літаратуры Янкі Купалы.

19 красавіка бібліятэка імя Л.Талстога запрасіла навучэнцаў 8 класа ДУА «СШ № 18 г. Віцебска» на літаратурную гадзіну «Янка Купала. Неназванае».

Супрацоўнікі бібліятэкі ставілі сваёй мэтай паказаць Янку Купалу не толькі як вялікага паэта, але і як звычайнага чалавека са сваімі праблемамі, сумненнямі, любоўнымі перажываннямі, няпростымі адносінамі з уладай, трагічным зыходам з жыцця 28 чэрвеня 1942 года.

Ну і зразумела, гучалі купалаўскія радкі, якія ён пісаў у тыя ці іншыя моманты свайго жыцця.