26 лютага ў бібліятэцы імя У. Караткевіча у межах праекта «Як ажывае кніга» прайшла гадзіна цікавых паведамленняў па нарысу Уладзіміра Караткевіча «Белавежская пушча», у якой бралі ўдзел вучні 2 «А» класа СШ №11.

     Дзецям расказалі, чаму пушчу называюць Белавежскай, чаму яна ў далёкія і цяжкія часы была надзейным сховішчам ад ворагаў, сапраўднай крэпасцю і прытулкам для нашых продкаў, чаму ў 1921 годзе ў гэтым старажытным рэліктавым лесе не засталося ні аднаго зубра, і як зноў была адноўлена папуляцыя гэтых гаспадароў пушчы, колькі іх зараз, чым яны сілкуюцца ўлетку і восенню, і хто дапамагае ім перажыць суровыя зімы. Дзеці таксама даведаліся пра іншых насельнікаў гэтага леса: дзікіх кабаноў, крутарогіх аленяў, ласёў, а таксама шматлікіх прадстаўнікоў птушынай сям'і, а затым пры дамапозе алоўкаў і фламастыраў адлюстравалі на паперы біялагічную разнастайнасць пушчы.