21 лютага ў свеце адзначаўся Міжнародны дзень роднай мовы. У кожнага чалавека ёсць мова, якая завецца роднай. Мова – душа народа, векавая памяць пакаленняў, наш галоўны нацыянальны скарб. Жыве мова – жыве народ, жыве памяць продкаў. Няма мовы – няма народа, няма суцяшэння ў горы, няма слоў радасці... Бібліятэкі горада адзначылі Міжнародны дзень родных моў літаратурнымі і інфармацыйнымі гадзінамі, гутаркамі, цікавымі сустрэчамі.

     19 лютага ў бібліятэцы імя У. Караткевіча прайшла мовазнаўчая віктарына «Каб бацькоўская мова непаўторнаю кветкай цвіла». Вучні 5 «А» класа СШ №28 даведаліся, калі і з якой мэтай было абвешчана свята роднай мовы, колькі сёння налічваецца моў свеце і колькі з іх знаходзіцца пад пагрозай знікнення. Вучняў пазнаёмілі з цікавымі фактамі з гісторыі развіцця і станаўлення беларускай мовы, знакамітымі беларусамі, унёсшымі значны ўклад у развіццё беларускай мовы і культуры. А потым вучні прынялі актыўны удзел у віктарыне, у ходзе якой яны называлі словы с літарай «Ў», разгадвалі загадкі і крыжаванку, падбіралі да беларускіх слоў сінонімы і антонімы, выпраўлялі памылкі. Пераможцы віктарыны атрымалі дыпломы і апладысменты аўдыторыі.     Гадзіна роднай мовы «Да роднай мовы крок зрабі» прайшла 20 лютага ў бібліятэцы імя Я. Маўра для выхаванцаў дзіцячага сада № 78 і аздараўленчага лагера «Наследие» СШ №2. Дзеці правялі гэты час ў асяроддзі беларускай мовы: узгадвалі ветлівыя словы, пацешкі, лічылкі, калыханкі, слухалі вершы і песні, разгадвалі «Загадкавую азбуку», гулялі ў «Перакладчыка». Адным словам, маленькія чытачы і свята мовы адзначылі, і шмат карысных ведаў атрымалі.    20 лютага супрацоўнікі бібліятэкі імя С.Маршака правялі ўрок мовы «Сэрцам роднага слова краніся», удзельнікамі якога сталі вучні 4 «А» класа СШ №29. Бібліятэкар адзначыла, што чытаючы кнігі на роднай мове, чалавек не губляе сувязь з родным краем, адчувае сябе часцінкай свайго народа. Мова яднае нацыю, народ і ўсіх людзей, якія пражываюць на тэрыторыі краіны. Кожны чалавек павінен шанаваць сваю мову, традыцыі і культуру свайго народа.
     Падчас мерапрыемства вучні знаёміліся з кнігамі беларускіх аўтараў, якія ёсць у бібліятэчным фондзе. Далей гучалі вершы на роднай мове, праводзіліся цікавыя і пазнавальныя конкурсы. Удзельнікам трэба было адгадаць загадкі, перакласці словы з рускай мовы на беларускую, скласці прыказкі і прымаўкі, якія пераблыталіся, напісаць «Школьны дыктант» і разгадаць «Метаграмы».     21 лютага ў бібліятэцы імя Е. Лось прайшла літаратурная гадзіна «Беларуская родная мова, ты на крылах бусліных ляці!» для вучняў пачатковых класаў СШ №17.
     Гэты дзень – яшчэ адна нагода падумаць пра тое, чаму мы мала размаўляем на сваёй мове і што можна зрабіць, каб яе не згубіць. І вядома, пачуць і прачытаць беларускія творы. Што неадкладна было зроблена. Але спачатку прадстаяла невялікая размінка ў выглядзе разгадвання загадак, з чым дзеці добра справіліся. Складаным аказалася заданне, патрабуючае знайсці адпаведны рускі варыянт прыказкі на беларускай мове.
         Далей удзельнікаў літаратурнай гадзіны чакала выправанне, у якім патрэбна было правільна раскласці назвы прадметаў на беларускай мове. Удзельнічалі літатаральна ўсе і з заданнем урэшце справіліся.    «Дзіўная, непаўторная родная мова!» – пад такой назвай 21 лютага прайшла літаратурная гадзіна для маленькіх чытачоў з дзіцячага садка № 54, якую падрыхтавали супрацоўнікі бібліятэкі імя Я. Коласа. Разам з бібліятэкарам дзеці пабывалі ў чароўным свеце беларускай, мілагучнай, роднай мовы, даведаліся чаму сталі святкаваць гэты дзень, паслухалі вершы пра мову, адгадалі загадкі, пазнаёміліся з беларускімі народнымі казкамі і пачыталі ўслух казку« Воўк і ліса».     Супрацоўнікі бiблiятэкі iм. М. Астроўскага правялі гутарку «Мова родная –мова модная» для вучняў 3 «Б» класа СШ №21. Пад час сустрэчы бібліятэкар адзначыла, што кожны чалавек павінен ведаць і шанаваць сваю мову, свае песні, казкі, звычаі. Дзеці з захапленнем слухалі і чыталі вершы знакамітых беларускіх паэтаў Пятруся Броўкі, Ніла Гілевіча, Янкі Купалы, прысвечаныя роднай мове. Затым дзеці прынялі актыўны ўдзел у гульнях «Я – Беларус», «Перакладчык», «Аматары беларускага фальклору».   21 лютага супрацоўнікі бібліятэкі імя М. Лынькова правялі літаратурный час «Роднай мова роднай зямлі» для выхаванцаў дзіцячага садку №71. Дзецям распавядалі пра святкаванне Міжнароднага дня роднай мовы, пра неабходнасць захоўваць сваю, такую мілагучную, блізкую да сэрца мову. Прыгажосць роднай мовы падкрэслілі цудоўныя вершы белаускіх паэтаў. Таксама дзеці пачулі беларускія песні і з захапленнем удзельнічалі ў беларускіх гульнях.

    21 лютага ў бібліятэцы імя П.Броўкі адбылося літаратурнае падарожжа «Па цудоўных прасторах роднай мовы» сумесна з выхаванцамі дашкольнага цэнтра развіцця дзіцяці №2. Бібліятэкар расказаў пра ўзнікненне свята роднай мовы, пазнаёміў з творамі беларускіх пісьменнікаў пра родную беларускую мову. Дзеці з задавальненнем удзельнічалі ў конкурсе чытальнікаў «Чароўная крыніца роднай мовы», дзе прагучалі вершы Янкі Купалы, Адама Русака, Ніла Гілевіча і іншых паэтаў аб роднай зямлі. Дзеці таксама пазнаёміліся з міні музеем «Традыцыі Духоўнасць.Культура».

    Супрацоўнікі бібліятэкі імя Я.Купалы 25 лютага правялі гадзіну роднай мовы «Адкрываю, як свет нанова, беларускае роднае слова» для маладых людзей, наведваючых аддзяленне сацыяльнай рэабілітацыі і абілітацыі тэрытарыяльнага цэнтра сацыяльнага абслугоўвання насельніцтва Чыгуначнага раёна г. Віцебска.
Бібліятэкар пазнаёміла прысутных з гісторыяй развіцця беларускай мовы, беларускімі прымаўкамі і прыказкамі, народнымі казкамі. Таксама маладыя людзі ўдзельнічалі ў віктарынах і адгадвалі загадкі, глядзелі мультфільмы па казкам «Піліпк»а, «Бацькава рукавічка», гарталі і чыталі беларускія кнігі.
    Удзельнікі мерапрыемтсва зразумелі, што трэба любіць і шанаваць родную мову, бо менавіта ў ёй захавана гісторыя народа, сіла і прыгажосць народнага слова.