14 сакавіка да Дня Канстытуцыі ў межах сумеснага праекта з ветэранскай арганізацыяй Першамайскага раёна г. Віцебска «Беларусь памятае!», прысвечанага 80-годдзю вызвалення Беларусі ад нямецка-фашысцкіх захопнікаў, у бібліятэцы імя У. Караткевіча прайшла патрыятычна-прававая гадзіна «Я – грамадзянін Рэспублікі Беларусь». Бібліятэкар звярнула ўвагу вучняў 7 «А» і 7 «Б» класаў СШ №34 на адно з дапаўненняў у новай рэдакцыі Канстытуцыі краіны: праяўленне патрыятызму з'яўляецца асноўным абавязкам кожнага грамадзяніна Рэспублікі Беларусь, пазнаёміла з кнігамі і плакатамі на выставах «Генацыд беларускага народа» і «Пад крылом вызвалення».

  З выступлення былога непаўналетняга вязня Коласавай Еўдакіі Пятроўны падлеткі даведаліся пра яе дзяцінства, якое прайшло за калючым дротам працоўнага лагера ў Нямеччыне. Старшыня ветэранскай арганізацыі Першамайскага раёна г. Віцебска, палкоўнік міліцыі ў адстаўцы Цітоў Леанід Андрэевіч расказаў пра свайго бацьку, які ваяваў і быў паранены пад Ржэвам, пра падзеі ў навейшай гісторыі краіны праз прызму свайго ўласнага жыцця, пра правы і абавязкі, запісаныя ў асноўным законе краіны, а таксама ўспомніў выпадкі парушэнняў закону непаўналетнімі, якія ён расследаваў у ходзе службовай дзейнасці.