22 лютага ў бібліятэцы імя Е. Лось прайшла гадзіна мовазнаўцы «Роднай мовы гук чароўны» да Міжнароднага дня роднай мовы. Яе ўдзельнікамі сталі вучні 4-х класаў СШ №7.

  Дзеці пазнаёміліся з гісторыяй узнікнення адзначаемай даты. Бібліятэкар гаварыла з імі аб неабходнасці ўшанавання і зберажэння беларускай мовы, як найдаражэйшага скарба, які застаўся нам ад продкаў. Вусная народная творчасць з'яўляецца першаасновай любой літаратуры. У беларусаў яна вельмі багатая. Дзякуючы менавіта ёй шліфавалася і ўдасканальвалася мова. Таму для дзяцей былі заданні, звязаныя з разгадваннем загадак, якія былі прыдуманы нашымі даволі далёкімі продкамі. Яны аказаліся не вельмі простымі. Знаходлівасці і фантазіі патрабавала заданне, звязанае з беларускімі прыказкамі - патрэбна было знайсці адпаведны аналаг у перакладзе на рускую мову. Напрыканцы дзеці паслухалі верш Еўдакіі Лось «Родная мова».