Дзень роднай мовы адзначылі 21 лютага ў цэнтральнай гарадской бібліятэцы імя М. Горкага. На працягу дня наведвальнікі бібліятэкі прымалі ўдзел у акцыі «Час чытаць кнігі роднай краіны».

     Удзельнікаў акцыі знаёмілі з экспазіцыяй «Цеплыня беларускага слова», на якой былі прадстаўлены навінкі беларускай літаратуры для дзяцей, падлеткаў і дарослых, цікавыя выданні класічнай літаратуры, зборникі беларускага фальклору. Жадаючыя маглі прайсці моўны квэст, які складаўся з заданняў розных узроўняў складанасці.
      У гэты ж дзень на базе бібліятэкі адбылося паседжанне раённага вучэбна-метадычнага аб'яднання настаўнікаў беларускай мовы і літаратуры Кастрычніцкага раёна. Загадчык аддзела абслугоўвання Вольга Васільеўна Амасёнак распавядала аб галоўных напрамках сацыякультурнай дзейнасці бібліятэкі па папулярызацыі беларускай мовы. Для настаўнікаў была падрыхтавана імпрэза «Па песню, па сонца», прасвечаная 110-годдзю з дня нараджэння Аркадзя Куляшова, у якой прымалі ўдзел навучэнцы Віцебскага каледжа культуры і мастацтваў з меладэкламацыяй вершаў паэта.