11 мая ў бібліятэцы імя Ул. Караткевіча прайшла гадзіна мужнасці «Моцныя духам», якая расказала вучням 1-х класаў СШ №11 пра подзвіг Уладзіміра Карвата, які 23 мая 1996 года цаной уласнага жыцця падарыў другі дзень нараджэння баранавічскай вёсцы Арабаўшчына, пра гераічны ўчынак лётчыкаў маёра Андрэя Нічыпорчыка і лейтэнанта Нікіты Куканенка, якія паўтарылі подзвіг Уладзіміра Карвата, праявілі мужнасць і гераізм і адвялі бяду ад жылых дамоў населенага пункта.

      Затаіўшы дыханне слухалі першакласнікі пра мужнасць і самаахвярнасць 12-гадовага Рамана Кагадоўскага, хлапчука, які вясной 2021года вынес з палаючага дома свайго малодшага браціка і якога кіраўнік дзяржавы ўзнагародзіў ордэнам «За асабістую мужнасць». Яго гераічны ўчынак усхваляваў дзяцей і даў падставы лічыць, што і ў мірным жыцці ёсць месца подзвігу.