7 ліпеня споўнілася 140 гадоў з дня нараджэння выдатнага беларускага паэта Янкі Купалы. Менавіта з гэтай нагоды ў цэнтральнай гарадской бібліятэцы імя М.Горкага адбылося літаратурна-музычнае свята "І вечнасць радка, як вечнасць жыцця".

Аддаць даніну памяці пісьменніку сабраліся прыхільнікі беларускага слова і літаратуры. Свята адкрыла кандыдат філалагічных навук, дацэнт, член Віцебскага абласнога саюза пісьменнікаў Беларусі Вольга Іванаўна Русілка. Лізавета Белісава  натхнённа і пранізліва прачытала паэтычныя купалаўскія радкі.  Кранальныя словы  "Спадчыны" і "Малітвы" прагучалі ў выкананні Сяргея Калодкіна.