10 чэрвеня ў бібліятэцы імя Ул. Караткевіча з удзелам наведвальнікаў летняяга лагера «Лінгвіст» ДУА «Сярэдняя школа №34 г. Віцебска» прайшоў займальны ўрок нямецкай мовы «Раскажам пра жывёл і звяроў».

     Падлеткі адгадвалі загадкі, вызначалі жывёл і звяроў, якіх можна ўбачыць на двары, у доме, у лесе, на тэрыторыі нашай краіны і ў іншых кутках планеты, расказвалі пра сваіх хатніх гадаванцаў, дапаўнялі сказы словамі па тэме, адны чыталі ўслых апісанні дзікіх звяроў, а другім трэба было здагадацца, што гэта за істота. Напрыканцы ўрока падлеткі пад фанаграму хорам праспявалі песню на нямецкай мове «Мышыня ў касмічным падарожжы».