10 чэрвеняў бібліятэцы імя Ул. Караткевіча прайшла пазнавальная гадзіна «Таямніцы мораў і акіянаў», у якой бралі ўдзел наведвальнікі летняга лагера ДУА «Гімназія №3 г.Віцебска імя А.С. Пушкіна».

     Падлеткам нагадалі аб тым, што першыя жывыя істоты з'явіліся менавіта ў вадзе, што вада мора і акіяна – гэта дом для мноства жывых арганізмаў. Вучні атрымалі шмат цікавай інфармацыі пра рыб і крабаў, марскіх зорак і марскіх конікаў, медуз і малюскаў, кітоў і дэльфінаў, акул і васьміногаў. А яшчэ некаторых з іх, дзякуючы ўласнай калекцыі бібліятэкара, змаглі нават дэталёва разглядзець, дакрануцца, патрымаць у руках. Закончылася мерапрыемства невялічкай віктарынай «Жыццё пад вадой». Падлеткі паспяхова адказвалі на пытанні, а яшчэ ўспомнілі свае адпачынкі на моры, расказалі, што яны бачылі, што іх здзівіла, што запомнілася.